ბლოგმა "ცისარტყელა" ტესტურ რეჟიმში მუშაობა დაასრულა და ახალი ამბები ბლოგზე აღარ დაიდება. ყოველდღიური სიახლეების სანახავად გადადით ლგბტ საინფორმაციო პორტალზე შემდეგი ბმულით:
пятница, 29 июля 2011 г.
пятница, 17 июня 2011 г.
გაერომ ლგბტ უფლებების დაცვის შესახებ რეზოლუცია მიიღო
გაეროს ადამიანის უფლებების საბჭომ 17 ივნისს მიიღო რეზოლუცია, რომელიც სექსუალური ორიენტაციის ნიადაგზე დისკრიმინაციას კრძალავს. ამის შესახებ იტყობინება Associated Press. როგორც სააგენტო აღნიშნავს, ასეთი დოკუმენტი პირველად არის მიღებული გაეროს და მსოფლიოს ისტორიაში.
რეზოლუცია ითვალისწინებს სპეციალური ორგანოს შექმნას, რომელიც მთელი მსოფლიოს მასშტაბით სექსუალური უმცირესობების უფლებების დაცვას დააკვირდება. გარდა ამისა, Associated Press აღნიშნავს, რომ დოკუმენტი ითვალისწინებს კომისიის შექმნას, რომელსაც დაევალება მსოფლიოს ქვეყნების კანონმდებლობის შემოწმება ისეთი კანონების არსებობაზე, რომელიც ლგბტ საზოგადოების წარმომადგებელთა უფლებებს ლახავს.
სამხრეთ აფრიკის რესპუბლიკის მიერ შეტანილ რეზოლუციას საბჭოს 47 წევრიდან 23–მა დაუჭირა მხარი. 19 წინააღმდეგი გამოვიდა, ხოლო სამმა ადამიანმა თავი შეიკავა. რა პოზიცია დაიკავა საბჭოს კიდევ ორმა წევრმა, არაფერია ნათქვამი. რეზოლუციის მხარდამჭერ ქვეყნებს შორის არიან აშშ, ევროკავშირის ქვეყნები და ბრაზილია. რეზოლუციის მიღების წინააღმდეგ გამოვიდნენ აფრიკული და მუსულმანური სახელმწიფოების წარმომადგენლები.
როგორც სამხრეთ აფრიკის რესპუბლიკის წარმომადგენელმა განაცხადა, რეზოლუციის მიზანი არ არის ამა თუ იმ ქვეყნისთვის სხვისი კულტურული ფასეულობების თავზე მოხვევა. დოკუმენტი მიმართულია მხოლოდ იმაზე, რომ ინიციირებული იქნას დიალოგი სექსუალური უმცირესობების დაცვის საკითხზე.
среда, 15 июня 2011 г.
საფრანგეთის ეროვნულმა კრებამ ერთსქესიანი ქორწინება არ დაამტკიცა
საფრანგეთის პარლამენტმა (ნაციონალური კრება) ერთსქესიანი ქორწინების წინააღმდეგ მისცა ხმა. ამის შესახებ BBC იტყობინება ფრანგულ საინფორმაციო საშუალებებზე დაყრდნობით. ერთსქესიან ქორწინებას 222–მა დეპუტატმა დაუჭირა მხარი, როცა მოწინააღმდეგეთა რაოდენობამ 293 შეადგინა. ამასთან, სოციალისტი დეპუტატების დიდმა ნაწილმა განაცხადა, რომ ამ საკითვის განხილვას მიუბრუნდებიან 2012 წელს საპრეზიდენტო არჩევნებში გამარჯვების შემთხვევაში.
დღეისათვის ევროპაში ერთსქესიანი ქორწინება ნებადართულია ნიდერლანდებში, ბელგიაში, ესპანეთში, ნორვეგიაში, შვედეთში და პორტუგალიაში. საფრანგეთში, გერმანიაში, დიდ ბრიტანეთში და ევროპის კიდევ 14 ქვეყანაში მოქმედებს კანონი ერთსქესიანი სამოქალაქო პარტნიორობის შესახებ.
понедельник, 13 июня 2011 г.
სააგენტო epn ამტკიცებს, რომ პირდაპირ ეთერში "დანაშაული" მოხდა
10 ივნისს გამართულ ე.წ. "kiss party"–სთან დაკავშირებით სააგენტო "EXPRESSNEWS"–მა გამოაქვეყნა სტატია, რომელშიც ორი გოგონას კოცნას სატელევიზიო კამერების წინაშე დანაშაული უწოდა და იქვე დასვა შეკითხვა, უნდა დაისაჯონ თუ არა წყვილიდან ერთერთი გოგონა და აქციის ორგანიზატორები. სააგენტოს მიერ გავრცელებულ სტატიას გთავაზობთ უცვლელად:
დანაშაული ეთერში- აგებენ თუ არა kiss party-ის ორგანიზატორები პასუხს
"10 ივნისს, პირველად საქართველოში კოცნის კონკურსი kiss party” გაიმართა. კონკურში მონაწილეობა რამდენიმე წყვილმა მიიღო და ხანგრძლივ კოცნაში გაეჯიბრა ერთმანეთს.
"10 ივნისს, პირველად საქართველოში კოცნის კონკურსი kiss party” გაიმართა. კონკურში მონაწილეობა რამდენიმე წყვილმა მიიღო და ხანგრძლივ კოცნაში გაეჯიბრა ერთმანეთს.ინტერნეტ ტელევიზია ITV გაავრცელა შოკისმომგვრელი ინტერვიუ, სადაც მდედობრითი სქესის წყვილი აღიარებს, რომ სისხლის სამართლის დანაშაული ჩაიდინეს.
კერძოდ, მარათონში მონაწილე ლესბოსურმა წყვილმა არ დამალა, რომ ერთ-ერთი მათგანი არასრულწლოვანია კერძოდ 16 წლის.
მიუხედავად მისი არასრულწლოვანებისა აღნიშნული საღამოს ორგანიზატორებმა დაუშვეს მისი კონკურსში დაშვება. როგორც ინტერვიუში პარტნიორმა განაცხადა თავად 21 წლისაა ხოლო მისი მეგობარი 16 წლის, ინტერვიუდანვე ირკვევა, რომ წყვილი 2 წელია ერთმანეთს ხვდება. ანუ სისხლის სამართლის დანაშაული ერთ-ერთმა მათგანმა სრულწლოვნების დროს ჩაიდინა და 14 წლის მოზარდთან სექსუალური კავშირი დაამყარა.
საქართველოს სისხლის სამართლის კოდექსის 140 მუხლის მიხედვით, სრულწლოვნის სქესობრივი კავშირი, მამათმავლობა, ლესბოსელობა ან სხვაგვარი სექსუალური კონტაქტი გაუკუღმართებული ფორმით დამნაშავისათვის წინასწარი შეცნობით თექვსმეტი წლის ასაკს მიუღწეველთან,-ისჯება თავისუფლების შეზღუდვით ვადით სამ წლამდე ან თავისუფლების აღკვეთით ვადით ერთიდან სამ წლამდე“.
უნდა დაეკისროთ თუ არა ორგანიზატორებს პასუხისმგებლობა იმისთვის, რომ არასრულწლოვანი ჩართეს ისეთ ქმედებაში რომელიც შეიძლება ჩაითვალოს როგორც არასრულწლოვანის მონაწილეობა ეროტიკულ სცენაში. სისხლის სამართლის კოდექსი ამ შემთხვევასაც არეგულირებს. კერძოდ კოდექსის 255-1 მუხლის მიხედვით, არასრულწლოვნის ჩაბმა ეროტიკული ნაწარმოების ან პორნოგრაფიული ხასიათის სხვა საგნის უკანონოდ დამზადებაში, ასეთი მასალის გავრცელებაში, რეკლამირებაში ან მისით ვაჭრობაში, –ისჯება თავისუფლების აღკვეთით ვადით ორიდან ხუთ წლამდე
141 მუხლის შესაბამისად ძალადობის გარეშე გარყვნილი ქმედება დამნაშავისათვის წინასწარი შეცნობით თექვსმეტი წლის ასაკს მიუღწეველთან, -ისჯება ჯარიმით ან გამასწორებელი სამუშაოთი ვადით ერთ წლამდე ანდა თავისუფლების აღკვეთით ვადით ორ წლამდე.
საქართველოს სოციალ-ლიბერალურმა პარტიამ აღნიშნულ ვიდეოს უწოდა სისხლის სამართლის დანაშაული".
სტოკჰოლმში პირველი გეი–ავტობუსი გამოჩნდა
სტოკჰოლმის სატრანსპორტო კომპანიამ SL–მა გადაწყვიტა, რომ წელს მონაწილეობა მიიღოს ტრადიციულ გეი–აღლუმში, რომელიც ამ ქვეყანაში 1–7 აგვისტოს გაიმართდება. ამისთვის გამოიყო „პრაიდ–ავტობუსი“ – დაბლდეკერი, რომელიც Facebook–ის მომხმარებელთა 16 ათასი ფოტოსურათით მოირთო, ხოლო ეს სურათები მთლიანობაში ქმნიან ექვსფერიან ლგბტ დროშას ორსართულიანი ავტობუსის ორივე მხარეს.
კომპანიამ Facebook–ის მომხმარებლებს წინასწარ სთხოვა, რომ სოლიდარობა გამოეხატათ და „მოწონების“ ღილაკით თანხმობა მიეცათ საკუთარი სურათია გამოყენებაზე დროშაში. დროშის შესაქმნელად საჭირო 16 ათასი ფოტო, როგორც კომნპანია იტყობინება, სულ 10 საათში შეგროვდა. ავტობუსი გეი–აღლუმის შემადგენლობაში გაივლის სტოკჰოლმის ქუჩებში 6 აგვისტოს.
ჩვენს მკითხველს კი მინდა შევახსენო, რომ ავტობუსის იდეა ახალი არ არის და რომ მსგავს მოვლენას საქართველოშიც ჰქონდა ადგილი. 2009 წლის სექტემბერში მაშინდელი ფონდ „ინკლუზივის“ ორგანიზებით კვარიათში ჟურნალ „მე“–ს პრეზენტაციაზე დასასწრებად თბილისის ლგბტ თემის წარმომადგენლები ავტობუსით გავემგზავრეთ და მთელი საქართველო ერთად გადავკვეთეთ :)
ლედი გაგამ რუსეთი ჰომოფობური ქვეყნების შავ სიაში შეიტანა
გასულ შაბათს მომღერალმა ლედი გაგამ განაცხადა, რომ რუსეთი შეაქვს საკუთარ „შავ სიაში“ იმ ქვეყნებისა, სადაც ლგბტ ადამიანები დევნისა და ძალადობის მსხვერპლნი არიან. რუსეთის გარდა ლედი გაგას „შავ სიაში“ შევიდნენ ასევე პოლონეთი, ლიტვა, უნგრეთი და ლიბანი. მომღერალმა ეს ქვეყნები ჩამოთვალა, როცა რომში გამართული ევრო–პრაიდის მონაწილეებს მიმართა. პრაიდი, რომელშიც ლედი გაგა მონაწილეობდა Circo Massimo–ს სტადიონზე გაიმართა და გრანდიოზული ევრო–პრაიდი 2011–ის დასკვნითი ღონისძიება იყო.
სტადიონზე მაყურებელთა აპლოდისმენტების თანხლებით ლედი გაგამ თავისი კომპოზიცია "Born This Way" (ასეთი დავიბადე) შეასრულა. ამ სიმღერის აკრძალვას უკვე რამდენიმე ქვეყანა შეეცადა.
25 წლის ლედი გაგა Grammy–ს 5 პრემიის, VMA–ს 11 პრემიის, EMA–ს 4 პრემიის მფლობელია და თანმიმდევრულად უჭერს მხარს ლგბტ ადამიანების თანასწორი უფლებებისთვის ბრძოლას.
ხოტვატიაში პოლიციამ გეი–აღლუმის მოწინააღმდეგეები დააკავა
10–მდე ადამიანი დაშავდა და ასზე მეტი დააკავეს სამართალდამცავმა ორგამოებმა ხორვატიის საკურორტო ქალაქ სპლიტში გეი–აღლუმის მსვლელობისას. ამის შესახებ იტყობინება BBC ადგილობრივ ტელევიზიაზე დაყრდნობით.
აღლუმის რამდენიმე ასეული მოწინააღმდეგე იმ ადგილს მიუახლოვდა, სადაც ქალაქის ცენტრში ლგბტ აქტივისტები იყვნენ აქციაზე გასული და აღლუმის მონაწილეებს შეურაცხყოფას აყენებდნენ, ბოთლებს და ქვებს ესროდნენ. პოლიციამ გეი–აღლუმის მონაწილეთა და მათ მოწინააღმდეგეთა შორის პირდაპირი შეტაკების აღკვეთა მოახერხა.
გეი–აღუმი ქალაქ სპლიტში პირველი ასეთი საჯარო აქცია იყო, რომელიც დედაქალაქის გარეთ გაიმართა. დედაქალაქში მსგავსი მსვლელობის მონაწილეებს პრობლემები არასდროს შექმნიათ. მიუხედავად იმისა, რომ პოლიცია აღლუმის მონაწილეებს იცავდა, აქცია ფაქტიურად ჩაიშალა ჰომოფობი ადამიანების წინააღმდეგობის გამო.
четверг, 9 июня 2011 г.
პიარ სკოლამ ჰომოფობიური განცხადების გამო მოიბოდიშა
პიარ სკოლამ თავის ბლოგზე ოფიციალურად მოიხადა ბოდიში რამდენიმე დღის წინ ბლოგზე გამოქვეყნებული პოსტის გამო, რომელიც ჰომოფობურ გამონათქვამებს შეიცავდა. პოსტი ეხებოდა facebook–ზე გავრცელებულ ვიდეოს, რომელზეც ვირთხა დაძვრებოდა მარკეტის დახლებზე, ვიდეოს ავტორის თქმით, „პოპულის“ მარკეტების ქსელის ერთერთ მაღაზიაში იყო გადაღებული. პიარ სკოლის ბოლგზე ამ ვიდეოს და facebook–ზე ატეხილი აჟიოტაჟის საპასუხოდ დაიდო პოსტი, რომელშიც გამოყენებული იყო „ვოლმარტის“ ქსელის სუპერმარკეტებში გადაღებული სურათები, სადაც აღბეჭდილი ადამიანების უმეტესობას თავიანთ გარეგნობაში და ტანისამოსში აშკარად ეტყობოდათ, რომ სექსუალურ უმცირესობებს მიეკუთვნებოდნენ. პიარ სკოლის პოსტის ავტორმა კი თავის პოსტში ვირთხა ამ ადამიანებს შეადარა და დაწერა, რომ ამ ვირთხაზე უარესებიც არსებობენ.
ამ პოსტის გამოქვეყნებისთანავე იქვე კომენტარებშიც და სოციალურ ქსელებში პიარ სკოლის ეს ჰომოფობური გამონათქვამი სხვადასხვა ადამიანებმა დაგმეს. ამის შემდეგ ჰომოფობური ფრაზა პოსტიდან ამოღებული იქნა, 9 ივნისს კი პიარ სკოლის ბლოგზე გამოქვეყნდა ოფიციალური საბოდიშო განცხადება. გთავაზობთ ამონარიდს ამ განცხადებიდან:
„ამა წლის 30 მაისს, ჩვენთან გამოქვეყნდა პოსტი სათაურით “ვოლმარტში უარესებიც ხდება”. პირველივე მკითხველის კომენტარის შემდეგ (დაახლოებით 30 წუთში), რომელიც აბსოლუტურად სამართლიან გულისწყრომას გამოხატავდა, მე პირადად მოვახდინე პოსტის იმ ნაწილის კორექტირება, რომელიც ჰომოფობიურ ფრაზას შეიცავდა. შემდგომში შეიცვალა სათაურიც.
სიტუაციაში ბოლომდე გარკვევის მიზნით, პიარ სკოლის ბლოგის პასუხისმგებელ პირებთან ერთად ჩატარდა შიდამოკვლევა, რომელიც გარკვეული პიროვნებების არყოფნის გამო, დროში დაგეგმილზე მეტ ხანს გაგრძელდა. რამდენჯერმე გავესაუბრე პოსტის ახალგაზრდა ავტორსაც. დავრწმუნდი, რომ მან ეს შეცდომა გაუაზრებლად დაუშვა და არავის შეურაცხყოფას ისახავდა მიზნად და შეწუხებულია ამ ფაქტის გამო. ვესაუბრე ბლოგის პასუხისმგებელ რედაქტორსაც. სიტყვიერი და მკაცრი გაფრთხილებები მიიღო ორივე პიროვნებამ.
პიარ სკოლის სახელით, პიარ სკოლის ყველა ლექტორისა და თანამშრომლის სახელით, პირადად ჩემი სახელით, მინდა ბოდიშჲ მოვუხადო ყველა მკითხველს პოსტში გამოქვეყნებული ფრაზის გამო“.
среда, 8 июня 2011 г.
ისრაელის პარლამენტმა რეკორდული ყურადღება დაუთმო გეებს
ისრაელის კნესეტში ყოველწლიურად ტარდება „სიამაყის კონფერენცია“, რომელიც ლგბტ ადამიანების უფლებების დაცვას ეძღვნება. მორიგ კონფერენციაში, რომელიც ორშაბათს გაიმართა, 18 დეპუტატი მონაწილეობდა სპიკერის რუბი რივლინისა და ოპოზიციის ლიდერის ციპი ლივნის ჩათვლით. 18 დეპუტატი ეს პალრამენტის წევრთა 15%–ზე ნაკლებია, მაგრამ დეპუტატების ამ რაოდენობის მისვლა კონფერენციაზე, რომელიც სექსუალური უმცირესობების პრობლემებს ეძღვნება, რეკორდულია ამ ქვეყნისთვის. ამის შესახებ წერს NRG-Maariv.კონფერენცია მიეძღვნა იმ სირთულეებს რომლებსაც ისრაელში მცხოვრები ლგბტ ადამიანები აწყდებიან ოჯახის შექმნისა და შვილების ყოლის შემთხვევაში. კნესეტში მივიდნენ ადამიანები, რომლებიც დეპუტატებს თავიანთი დისკრიმინაციის გამოცდილებაზე ესაუბრნენ და აუხსნეს, რომ არ აქვთ იმის საშუალება, რომ იგივე უფლებებით ისარგებლონ, რომლებიც ქვეყნის ყველა ჰეტეროსექსუალ მოქალაქეს აქვს.
понедельник, 6 июня 2011 г.
აშშ–ში ლგბტ საიტი შეიქმნა "თეთრი სახლის" ეგიდით
"თეთრმა სახლმა" ვებ–საიტი გახსნა, რომელიც სპეციალურად ლგბტ წარმომადგენლებისთვის შეიქმნა. საიტზე მთავარ ადგილზე წარმოდგენილია პრეზიდენტის ადმინისტრაციის ვალდებულებები ამერიკელი ლგბტ ადამიანების წინაშე. საიტის სახელწოდებაა "მომავლის გამარჯვება: პრეზიდენტი ობამა და ლგბტ საზოგადოება". საიტის ამოქმედება მიეძღვნა კონკრეტულ მოვლენას – პრეზიდენტ ობამას მიერ ივნისის თვის ლგბტ სიამაყის თვედ გამოცხადებას.
რუმინეთში გეი–აღლუმი ჩატარდა
რუმინეთის დედაქალაქში გეი–აღლუმი ჩატარდა, რომელშიც 150–მდე ადამიანი მონაწილეობდა. რამდენიმე საათის შემდეგ კი ანტიგეიაქტივისტებმა თავიანთი აქცია ჩაატარეს ჰომოსექსუალობის წინააღმდეგ. შაბათს გამართული გეი–აღლუმის მსვლელობისას ექსცესები არ მომხდარა. ამ აქციაში მონაწილეობდნენ ასევე რუმინეთში აშშ–ის, დიდი ბრიტანეთისა და შვედეთის ელჩებიც.
Gay Pride Romania by GLBT
Gay Pride Romania by GLBT
რუსი მებაირაღეების "ბრძოლა" გეების წინააღმდეგ
ინტერნეტ–სივრცეში გავრცელდა ფოტოსურათები, რომლებზეც აღბეჭდილნი არიან რუსი მართლმადიდებელი მებაირაღეები, რომლებიც თავისუფალ დროს იმით ერთობიან, რომ ღობეზე მიმაგრებულ შიშველი ბიჭების ფოტოებს შუბებს ესვრიან. ამ მებაირაღეების წარმომადგენლები მოსკოვის ცენტრში 28 მაისს გამართული გეი–აღლუმის მონაწილეთა დარბევაში მონაწილეობდნენ. ერთერთმა ასეთმა წვეროსანმა აქციის მონაწილე ჟურნალისტ გოგონას თავში ბლაგვი საგანი ჩაარტყა, რის შემდეგაც ჟურნალისტი საავადმყოფოში მოათავსეს ტვინის შერყევის დიაგნოზით.
пятница, 3 июня 2011 г.
ვანესა უილიამსი ქორწინების თანასწორობის მომხრეებს შეუერთდა
ნიუ–იორკის შტატში ქორწინების თანასწორობის მომხრეების კამპანიას ცნობილი მომღერალი და მსახიობი ვანესა უილიამსიც შეუერთდა. „მე ვარ ვანესა უილიამსი, დავიბადე ნიუ–იორკში, და მე მხარს ვუჭერ ქორწინების თანასწორობას. აშშ–ის უკვე 5 შტატში ქორწინების თანასწორობა არსებობს. დადგა დრო, რომ ნიუ–იორკი კვლავ ლიდერი გახდეს. გთხოვთ, შემოგვიერთდით“ – განაცხადა ვანესამ ვიდეოში, რომელიც ერთერთი უმსხვილესი ლგბტ უფლებების დამცველი ორგანიზაციის ეგიდით ჩაწერა.
четверг, 2 июня 2011 г.
ობამამ ივნისი გეი–სიამაყის თვედ ოფიციალურად გამოაცხადა
აშშ–ის პრეზიდენტმა ბარაქ ობამამ სამშაბათს ხელი მოაწერა ოფიციალურ დოკუმენტს, რომლის მიხედვითაც, ივნისი გეი–სიამაყის თვედ გამოცხადდა. დოკუმენტში ნათქვამია: „ამერიკის ლგბტ საზოგადოების ისტორია ჩვენი მამების და ვაჟების, ჩვენი დედების და ქალიშვილების, ჩვენი მეგობრების და მეზობლების ისტორიაა, და ისინი განაგრძობენ იმ ამოცანის შესრულებას, რომლის მიზანიცაა ჩვენი ქვეყნის უფრო მშვენიერ კავშირად გადაქცევა. ეს არის იმ ბრძოლის ისტორია, რომ უკეთ ჩავწვდეთ ამერიკულ პერსპექტივას: ყველა ადამიანმა ღირსეულად უნდა იცხოვროს და ყოველი მათგანი თანაბრად უნდა ფასდებოდეს კანონის შესაბამისად. ყოველი წლის ივნისში ჩვენ პატივს მივაგებთ იმ მამაც ადამიანებს, რომლებიც ცდილობდნენ ამ პერსპექტივის მოახლოებას ლგბტ ამერიკელებისთვის. ამჯერად კი ჩვენ იდევ ერთხელ ვაცხადებთ, რომ მივილტვით ყველა ადამიანისთვის თანაბარი უფლებების მიღწევისკენ, მიუხედავად მათი სექსუალური ორიენტაციისა და გენდერული იდენტობისა“.მთელს მსოფლიოში, უფრო სწორად კი მსოფლიოს ცივილიზებულ ნაწილში ივნისი ლგბტ სიამაყის თვედ ითვლება. ამ თვეში მსოფლიოს მრავალ ქვეყანაში გეი–აღლუმები, გეი–ფესტივალები და ამ სახის სხვა ღონიძიებები ტარდება.
„ჩემს მიერ პრეზიდენტის თანამდებობის დაკავების შემდეგ ჩემმა ადმინისტრაციამ მნიშვნელოვან წარმატებებს მიაღწია ლგბტ ამერიკელებისთვის თანასწორობის დამყარების საქმეში“ – განაგრძობს პრეზიდენტი ობამა, – „გასული წლის დეკემბერში ამაყად მოვაწერე ხელი კანონს, რომელიც აუქმებს დისკრიმინაციულ პოლიტიკას „არ შეეკითხო, არ თქვა“. ამის შემდეგ ამერიკელებმა – გეებმა და ლესბოსელებმა ჩვენი ქვეყნის ისტორიაში პირველად მიიღეს უფლება ღიად იმსახურონ აშშ–ის შეიარაღებულ ძალებში. ჩვენი ეროვნული უსაფრთხოება განმტკიცდება, ხოლო ის გმირული წვლილი, რომელიც ამ ამერიკელებს შეაქვთ ამ პროცესში მთელი ჩვენი ისტორიის მანძილზე, მთლიანად იქნება აღიარებული“.
განცხადებაში ასევე აღნიშნულია სამწუხარო თარიღიც: 30 წელი შიდსის აღმოჩენიდან. ობამა თვლის, რომ ამ თარიღმა ახალი სტიმული უნდა შექმნას ამ დაავადებასთან საბრძლოველად არა მარტო მისი ადმინისტრაციისთვის, არამედ ლგბტ აქტივისტებისთვისაც.
პირველი ამერიკელი პრეზიდენტი, რომელმაც 1999 წელს ოფიციალურად აღიარა ივნისი გეი–შიამაყის თვედ, იყო ობამას წინამორბედი დემოკრატი პრეზიდენტი ბილ კლინტონი.
среда, 1 июня 2011 г.
მიუნხენში ნაციზმის მსხვერპლი გეებისა და ლესბოსელების მემორიალი დაიდგმება
გერმანიის ქალაქ მიუნხენში, სადაც მესამე რეიხის დროს ნაცისტები გეი–ბარებზე თავდასხმებს აწყობდნენ, ჰოლოკოსტის მსხვერპლი გეებისა და ლესბოსელების მემორიალი დაიდგმება.
როგორც Pinknews.co.uk აღნიშნავს, მემორიალის ადგილი ძალიან სიმბოლურია, რადგან 1934 წლის 20 ოქტომბერს სწორედ ამ ადგილზე დაარბიეს ნაცისტებმა გეი–ბარის პირველად. შემდგომში ასეთმა ინციდენტებმა სისტემატური ხასიათი მიიღო, რადგან ჰიტლერის მმართველობის პერიოდში ჰომოსექსუალობის არადამიანური „ამოძირკვა“ ხდებოდა.
მემორიალი მიუნხენის ცენტრში ფეხით მოსიარულეთა ახალი მარშრუტის ნაწილი გახდება და დაიდგმება ობერანგერისა და დულტშტრასეს ქუჩების გადაკვეთაზე, სადაც 1930–იანი წლების დასაწყისში ერთერთი ცნობილი გეი–ბარი Scwharzfischer (შავი მეზღვაური) მდებარეობდა.
вторник, 31 мая 2011 г.
აშშ–მა და საფრანგეთმა მოსკოვში გეი–აღლუმის დარბევა დაგმეს, ეკლესიამ კი პოლიციას ქმედებები მოუწონა
რუსეთის ხელისუფლებას შეკრების უფლებებისა და სიტყვის თავისუფლების დაცვისკენ მოუწოდა საფრანგეთმაც. საფრანგეთის საგარეო უწყებამ რუსეთს შეახსენა, რომ ევროპის ადამიანის უფლებების სასამართლომ უკვე ცნო უკანონოდ მოსკოვში გეი–აღლუმების ჩატარების აკრძალვა.
სამაგიეროდ მოსკოვის ხელისუფლების ქმედებებს მიესალმა რუსეთის მართლმადიდებლური ეკლესია. ეკლესიის საზოგადოებასთან ურთიერთობის განყოფილების ხელმძღვანელმა ვსევოლოდ ჩაპლინმა განაცხადა, რომ ხელისუფლებამ „კორექტულად აღკვეთა „ჰომოსექსუალიზმის“ პროპაგანდა“.
შაბათს მოსკოვის ცენტრში გეი–აქტივისტები ჰომოფობიის საწინააღმდეგო აქციის ჩატარებას ცდილობდნენ, როცა მათ გაერთიანებული ძალებით დაესხნენ თავს სკინჰედები, მართლმადიდებლური ჯგუფები და პოლიცია. რამდენიმე ადამიანი დააკავეს, მათ შორის უცხო ქვეყნების მოქალაქეები, ხოლო „ნოვაია გაზეტას“ კორესპოდენტი ელენა კოსტიუშკო, რომელსაც მართლმადიდებლური ჯგუფის წარმომადგენელმა თავში ბლაგვი საგანი ჩაარტყა, ტვინის შერყევის დიაგნოზით საავადმყოფოში მოათავსეს.
понедельник, 30 мая 2011 г.
ბლოგერები მოსკოვში გეი–აქტივისტების ცემის ფაქტების გამოძიებას ითხოვენ
700–მდე ბლოგერმა დაუჭირა მხარი ინიციატივას, რომლის ავტორებიც რუსეთის ხელისუფლებისგან მოსკოვში 28 მაისს დარბეული გეი–აქტივისტების ცემის ფაქტების გამოძიებას ითხოვენ. წითელ მოედანზე გამოსულ აქტივისტებს გაერთიანებული ძალებით შეუტიეს სკინჰედებმა, მართლმადიდებლურმა ჯგუფებმა და პოლიციამ. დარბევის დროს სერიოზულად დაშავდა "ნოვაია გაზეტას" ჟურნალისტი ელენა კოსტიუშკო, რომელიც ტვინის შერყევის დიაგნოზით სავადმყოფოში მოათავსეს. აქციის მონაწილეები 28 მაისს ჰომოფობიის დასაგმობად გავიდნენ ქუჩაში. ქვემოთ გამოქვეყნებული ვიდეოს მე–17 წამზე შეგიძლიათ იხილოთ, როგორ უმოწყალოდ ურტყამს ექსტრემისტული რელიგიური დაჯგუფების წარმომადგენელი ჟურნალისტ გოგონას, რომელიც დედობაზე ოცნებობს. როგორც სააგენტოები იტყობინებიან, მოძალადე დაკავებული არ არის.
ტრანსგენდერი მევიოლინე პოპულარობას იხვეჭს
მევიოლინე და მომღერალი ტონა ბრაუნი, რომელიც კლასიკური მუსიკის სფეროში მოღვაწეობს, სულ უფრო მეტ პოპულარობას იძენს აშშ–ში. ლგბტ სამყაროში უფრო მეტ პოპულარობას კი ალბათ მას შემდეგ შეიძენს, რაც Out Music Awards–ის ჯილდოების გადაცემის ცერემონიაზე გამოვა, სადაც ვივალდის "წლის დროებს" შეასრულებს. ტონა ბრაუნი კარგი ვოკალისტიც არის და ორმაგი კარიერის გაკეთებაზე ოცნებობს. სპეციალისტები მისკარგად დაყენებულ მეცო–სოპრანოს დიდ შეფასებას აძლევენ.
ელაიჯა ვუდი ჰომოსექსუალის როლს შეასრულებს
ელაიჯა ვუდი, რომელიც ფართო მაყურებლისთვის "ბეჭდების მბრძანებლის" ტრილოგიიდანაა ცნობილი, ახალ რომანტიკულ კომედიაში ითამაშებს, სადაც ჰომოსექსუალი მამაკაცის როლს შეასრულებს, რომელიც თავის ცოლს დაშორდება, მაგრამ მასთან ერთად განაგრძობს ცხოვრებას ერთ ბინაში და ყოფილი ცოლის საუკეთესო მეგობრად ყოფნა სურს. ფილმი მომავალ წელს გამოვა ეკრანებზე, თუმცა პრემიერის ზუსტი თარიღი ჯერ უცნობია.
суббота, 28 мая 2011 г.
მოსკოვში გეი–აქტივისტების აქცია ჩაშალეს
მოსოვში წითელ მოედანზე გეი–აქტივისტების ჯგუფი ჰომოფობისს წინააღმედგ აქციის ჩატარებას შეეცადა, თუმცა აქციის მონაწილეებს ჯანღონიანი თავგადაპარსული მამაკაცები დაესხნენ თავს და დაარბიეს. გარდა ამისა, მოედანზე მობილიზებული იყვნენ სამართალდამცავებიც, რომლებმაც მოგვიანებით აქციის რამდენიმე მონაწილე დააკავეს. თავგადაპარსულებთან ერთად აქციის მონაწილეებს სიტყვიერ და ფიზიკურ შეურაცხყოფას აყენებდნენ სხვადასხვა მართლმადიდებლური ჯგუფების წარმომადგენლები და სამართალდამცავები. საბოლოო ჯამში ჰომოფობიის წინააღმდეგ მიმართული აქცია იმის გამო, რომ თვითონ აქციის მოწინააღმდეგეთა რაოდენობა ბევრად ჭარბობდა გეი–აქტივისტების რაოდენობას, სექსუალური უმცირესობების წინააღმდეგ მიმართულ აქციად გადაიქცა, რომლის მონაწილეებსაც სამართალდამცავებმა ხელი არ ახლეს.
საქართველოში ჰომოფობიის საჯარო გამოვლინების ბოლო ფაქტი იყო „სახალხო კრების“ აქციაზე საზოგადოებრივ მაუწყებელთან, სადაც ერთერთმა გამომსვლელმა მომიტინგეებს განუცხადა, რომ საქართველოს „პიდარასტები“ არ სჭირდება და ასევე მოუწოდა ყველას, ვისაც უნდა „საქართველო პიდარასტების გარეშე“, აქციაზე მისულიყვნენ.
пятница, 27 мая 2011 г.
ირანელმა გეებმა თავიანთი პირველი აღლუმი ჩაატარეს
ირანში ლგბტ ადამიანების მიმართ მკაცრი მოპყრობის მიუხედავად, რაც ზოგიერთ შემთხვევაში სიკვდილით დასჯასაც ითვალისწინებს, ირანელმა ლგბტ უფლებადამცველებმა პირველი გეი–აღულმის ჩატარება შეძლეს. ეს აღლუმი ანკარაში შედგა და მიუხედავად იმისა, რომ მონაწილეთა რაოდენობა არც ისე დიდი იყო, ღონისძიება მეტად მრავალფეროვანი გამოვიდა.
არც ისე დიდი ხნის წინ ირანში ორი მოზარდი ჩამოახრჩეს, რომელთაც ერთმანეთი უყვარდათ, მაგრამ ერთერთი ბიჭის უმცროსმა ძმამ დააბეზღა.
აღსანიშნავია, რომ ანკარა თურქეთის დედაქალაქია, ხოლო თურქეთი არც ისე გახსნილია გეი–ურთიერთობებისთვის, როგორც ევროპის ქვეყნები, თუმცა როგორც ჩანს, ამ შემთხვევაში აღლუმის მონაწილეებს პრობლემები არ შექმნიათ.
четверг, 26 мая 2011 г.
"მზეზე" რეალითი შოუ "მზის სახლი" დაიწყო
დიდი ხანია ქართულ ტელეარხებზე ისეთი რეალითი–შოუ არ გასულა, სადაც პროექტის მონაწილეები ერთად ცხოვრობენ. ამჯერად ტელეარხ "მზეზე" დაიწო ახალი რეალითი–შოუ "მზის სახლი", სადაც ბიჭები და გოგონები ერთ სახლში იცხოვრებენ. საინტერესოა ლგბტ თვალსაზრისით თუ იქნება ეს პროექტი საინტერესო. როგორც წესი, არც ევროპაში და არც ამერიკაში ასეთ სატელევიზიო შოუებში ერთსქესიან ურთიერთობებზე ყურადღებას მაინც და მაინც არ ამახვილებენ, თუმცა გარკვეული მომენტები და სკანდალები მაინც ხდება ხოლმე. ამჯერადაც პროექტის მონაწილეთა ქასთინგის დროს იყო მომენტი, როცა ერთერთმა მომავალმა მონაწილემ განაცხადა, რომ ამჟამად შეყვარებული არ ჰყავს და მას დაშორდა იმის გამო, რომ მას ჭორებს უვრცელებდნენ, რომ იგი ხან გეია და ხან ბისექსუალი, თუმცა პროექტის ორგანიზატორთა შეკითხვაზე, არის თუ არა იგი გეი, ქასთინგის მონაწილემ უპასუხა, რომ 25 წელია" ნატურალია".
среда, 25 мая 2011 г.
მეთ ზარლის ახალი კლიპი გეი–ღალატის შესახებ
ამერიკელი მომღერლის მეთ ზარლის (Matt Zarley) ახალი მუსიკალური კლიპი WTF (რაც დაახლოებით ნიშნავს – რა ყ**ბაა) ღალატის მწარე ისტორიაზე მოგვითხრობს, როცა წყვილიდან ერთერთი მწარედ მოტყუებული რჩება. ამიტომ ღია ურთიერთობებზე ჯობია თავიდანვე მოილაპარაკოთ, ვიდრე შემდეგ მწარედ ინანოთ და საყვარელ ადამიანს გული ატკინოთ. როგორც კლიპის შემქმნელები ამბობენ, მასში მოთხრობილი ისტორია რეალურ ფაქტებს ეყრდნობა და არავინ არაფრისგანაა დაზღვეული.
понедельник, 23 мая 2011 г.
ტელევიზიასთან საპროტესტო აქციაზე ჰომოფობური განცხადებები კეთდება
საზოგადოებრივ მაუწყებელთან გამართულ საპროტესტო აქციაზე, რომელიც ნინო ბურჯანაძის მიერ მხარდაჭერილი სახალხო კრების მიერაა ორგანიზებული, 23 მაისს ხმამაღალი ჰომოფობური განცხადებები გაკეთდა. აქციაზე გამომსვლელმა 5 შვილის მამამ, გია ყრუაშვილმა მიტინგზე შეკრებილებს განუცხადა:
„ჩვენ კარგად გვახსოვს, როდესაც ცისფერ დონაძეს ყური აუწია ერთერთმა პარლამენტის წევრმა, თუ როგორ დავუდექით ქართველი ხალხი. რა გვინდა, ცისფერობა გვინდა? გინდათ თანამშრომლებო ცისფერი შვილები? გინდათ პიდარასტები საქართველოში? დაიცავით მაშინ, დაიცავით“ – განაცხადა მან სავარაუდოდ სამართალდამცავი ორგანოების თანამშრომლების მისამართით.
„ნუ გიკვირთ პირველი არხი“ – განაგრძო მან“, – „სულ ორიენტაციაშეცვლილებზე ლაპარაკობს „იმედი“. რატომ გიკვირთ, რომ ქართველ ხალხს რეაქცია აქვთ თქვენთან“.
(ამ განცხადების ვიდეოს ნახვა შეგიძლიათ ამ ბმულზე – http://www.youtube.com/watch?v=2DWmLTeS_b0&feature=player_embedded)
ცოტა ხნის შემდეგ, რაც ეს ჰომოფობური განცხადება გაკეთდა, ნინო ბურჯანაძე გამოვიდა აქციაზე და თქვა, რომ ამ ადამიანებზე, ვინც აქციაზე დგას და გამოდის, დგას საქართველოს დემოკრატიული მომავალი.
ცოტა ხნის შემდეგ, რაც ეს ჰომოფობური განცხადება გაკეთდა, ნინო ბურჯანაძე გამოვიდა აქციაზე და თქვა, რომ ამ ადამიანებზე, ვინც აქციაზე დგას და გამოდის, დგას საქართველოს დემოკრატიული მომავალი.
ეს აქციაზე გამოსვლელთა მხრიდან პირველი ქსენოფობური განცხადება არ არის. გუშინდელ აქციაზე გამოსვლისას საპარლამენტო პარტიის – ქრისტიანულ–დემოკრატიული მოძრაობის წევრმა ლევან ღვინჯილიამ ნეგატიურად მოიხსენია ეთნიკური უმცირესობებით დასახლებულ რეგიონებში მიმდინარე განათლების ორენოვანი პროგრამა და განაცხადა, რომ საქართველოს ყველა მაცხოვრებელმა ქართული ენა უნდა იცოდეს და აუცილებელი არ არის რაიმე მეორე ენის სწავლება.
пятница, 20 мая 2011 г.
IDAHO ორთაჭალაში
17 მაისს ჰომოფობიის წინააღმდეგ ბრძოლის საერთაშორისო დღეს ასოციაცია „ინკლუზივის“ ორგანიზებით ორთაჭალაში აქციაზე მისულებმა მდინარე მტკვარზე ფერად ყვავილებში ჩადგმული სანთლები ჩაუშვეს, რითაც პატივი მიაგეს ჰომოფობიის მსხვერპლთა ხსოვნას. აქციის ერთერთი ძირითადი ორგანიზატორი, ბარტი თავისი განცდების შესახებ გვიამბობს, რასაც მომზადებისა და აქციის მსვლელობისას გრძნობდა:
რაოდენ საოცარიც არ უნდა იყოს, 17 მაისის აღნიშვნის იდეისაკენ ჩემთვის უცნობი 26 წლის გეის დასაფლავებამ მიბიძგა, რომელმაც სულ ცოტა ხნის წინ თავი მოიკლა. არ ვიცი რამ მიიყვანა ის ამ საშინელ გადაწყვეტილებამდე, მაგრამ ფაქტია რომ 38 წლის ვარ და მსგავსი საცოდაობა არცერთ ახალგაზრდა ადამიანის დასაფლავებაზე არ მინახავს. სანთლების იდეაც იქიდან წამოვიდა ალბათ, რომ მის საფლავზე სანთელი არ დანთებულა...
დაიბადა იდეა და გახმოვანდა facebook-ზე “ინკლუზიველების” დახურულ ჯგუფში. ყველას მაშინვე მოეწონა, თუმცა არავისთვის გამინდვია აქამდე რატომ მაინც და მაინც სანთლები, ხომ შეიძლებოდა უბრალოდ ჰელიუმიანი საჰაერო ბუშტები გაგვეშვა ჰაერში (როგორც ეს ბევრ ქვეყანაში ხდება), უფრო ადვილი განსახორციელებელიც იყო და უფრო უსაფრთხოც.
ჩამოყალიბდა იდეა და დარჩა მხოლოდ განხორციელება.
ფინანსები... დიდი არაფერი, 50 ლარიც არ დამიხარჯავს.
ივენთის ტექსტი... ნერვიულობისგან და დაღლილობისგან ვეღარ ვაზროვნებდი და ჩემთვის სრულიად უცხო ადამიანს ვთხოვე ტექსტის შედგენა. ჩვენ დილის 4 საათამდე ვეკონტაქტებოდი ერთმანეთს FB-ზე და ტექსტიც ამ დროისთვის იყო მზად. ამ დროის განმავლობაში აღმოვაჩინეთ მე და ნინომ რომ IDAHO-ს ოფიციალურ საიტის რუქაზე საქართველო რუსეთის ტერიტორიად იყო აღნიშნული. სასწრაფოდ გავუგზავნე კახაბერს აპლიკაციის შესავსები ლინკი და მეორე დღეს სიამაყით აღვივსე, როდესაც საქართველო თავის აფხაზეთ-სამაჩაბლოიანად რუსეთისგან გამოყოფილი ვნახე IDAHO–ს რუქაზე. ეს კიდევ ერთი ბიძგი იყო იმისაკენ რამაც მაფიქრებინა, რომ უეჭველად უნდა აგვეღნიშნა ეს დღე.
დრო, აი მართლა საშინელება იყო... ხანდახან ორი-სამი დღე ისე გადის, ერთი საქმეც არ შემოდის სამსახურში, ივენთის გამოქვეყნებისთანავე კი 5 წუთითაც ვერ ვჯდებოდი, საგიჟეთი დაიწყო, სუფთა “ზაკონ პოდლოსტი”, ბოლოს გადავწყვიტე 17-ში დამესვენა და ყველაფერი იმ დღეს მომეგვარებინა, ასეც მოხდა.
ემოციები... მთელი ერთი კვირა ვგრძნობდი, რომ მარტო არ ვიყავი. “ინკლუზიველები”, ვისაც როგორ შეეძლო ჩემს გვერდით იყო, ვგრძნობდი რომ ერთნი ვიყავით, ასე მეგონა მთებს გადავდგავდით თუმცა რაც უფრო ახლოვდებოდა 17 მაისი უფრო და უფრო მაგრად მეშინოდა, უფრო და უფრო ვნერვიულობდი, მაგრამ აზრადაც არ გამივლია, რომ ივენთი გაგვეუქმებინა. ვფიქრობდი, მარტოც რომ მივიდე 3-4 “ინკლუზიველთან” ერთად, ესეც კარგი იქნება, მთავარია კიდევ ერთი ნაბიჯი გადაიდგას, კიდევ ცოტათი წავიწიოთ წინ, დავანახოთ ხალხს რომ ჩვენ ვარსებობთ!
მაგრად ვნერვიულობდი, ვფიქრობდი, ეეე ბიჭოო, შენ კი თვლი და ამბობ რომ ერის და ბერის წინაშე ვალი მოხდილი გაქვს, სახლიც აგიშენებია, ხეც დაგირგავს, შვილიც გყავს, მაგრამ ამ ხალხს რომ აგულიანებ ამ ფანატიკოსი ჰომოფობების სახელმწიფოში და გარეთ გასვლისკენ მოუწოდებ, რა იცი რა ხდება? დაძაბული ვკითხულობდი ფორუმებზე და FB–ზე ჩვენსკენ მომართულ სიძულვილით აღსავსე ფრაზებს და უფრო და უფრო ვნერვიულობდი. ჰო, მაგრამ ოდესღაც, ვიღაც ხომ უნდა გამოვიდეს გარეთ, ხომ უნდა ითქვას სათქმელი? მე არ მინდა ჩემი შვილი ასეთი ზიზღით აღსავსე ხალხში ცხოვრობდეს, არ მინდა რომ თუ ჩემი შვილიშვილი ჰომოსექსუალი იქნება, მანაც იგივე შეურაცხყოფა და დამცირება გადაიტანოს, რაც მე გადავიტანე, მხოლოდ იმიტომ რომ ჰომოფობების ნახევარზე მეტი თავად არიან არარეალიზებული ჰომოსექსუალები, მეორე ნახევარი კი საერთოდ გაუნათლებელია ამ საკითხში და ვითომ რელიგიური მოტივით ხსნის თავისი გაუნათლებლობით გამოწვეულ გაუცნობიერებელ შიშს, ადამიანს ხომ უმეტესწილად ეშინია იმის რაც არ აქვს შესწავლილ-შეცნობილი.
მსგავს რაღაცას პირველად ვაკეთებდი, ანუ პირველად ვუკეთებდი მარტო ორგანიზებას ისეთ ღონისძიებას, რომელიც ჩემი აზრით ძალიან მნიშვნელოვანი იყო “ინკლუზიველებისთვის” და ზოგადად ლგბტ თემისათვის. ამიტომ ყოვლად გამოუცდელმა ასეთ საკითხებში, 16-ში მივმართე გარემოს დაცვის სამსახურს, სადაც სამჯერ დარეკვამ შედეგი არ გამოიღო და მხოლოდ მობილურის ნომრის დატოვების შემდეგ ზუსტად ორ წუთში მივიღე პასუხი, რომ მათგან ნებართვა არ მჭირდებოდა. ამ ფაქტმა ნერვიულობა უფრო გააძლიერა: რატომ მკითხეს ნომერი, ხომ ვურეკავდი თავად ან ასე როგორ დაემთხვა, რომ ნომრის მიცემიდან ზუსტად 2 წუთში გაარკვიეს, ხომ მითხრეს ვარკვევთ ბატონო, არ ყოფილა მსგავსი პრეცედენტი და დრო გვჭირდებაო და უცბად, ჰოპ ორ წუთში გადმომირეკეს...
გათენდა 17 მაისიც, შეიძლება ითქვას რომ რვა საათამდე ნერვიულობა სანთლების მზადებამ გადამატანინა ყველაფერი მზად არის, მაგრამ მზად არის შიშიც, რომლის ბოლო წვეთი ჩემთვის უცნობი ჟურნალისტის თხოვნა აღმოჩნდა, რომელიც ამ შეკრების გადაღების ნებართვას მთხოვდა. როგორც ყველა საკითხი, რაც ივენთს ეხებოდა, ესეც განსახილველად ჯგუფში შევაგდე და... კინაღამ ჩაიშალა ყველაფერი! უფრო გაძლიერდა ფიქრი, რომ მარტო მე მივიდოდი მეტეხის ხიდზე... თუმცა ვფიქრობდი, რომ რადგან უცხო ჟურნალისტმა გაიგო, მმკ და სადღობელაანთ ბალღსაც ეცოდინება და მგონი უკეთესიც იქნება რაც ნაკლები ხალხი მოვა და მით უმეტეს თუ მარტო ვიქნები, ამ შემთხვევაში უკეთესიც კია-მეთქი.
ჯერ კიდევ ცხრის თხუთმეტი წუთი იყო, მე კი უკვე მეტეხის ხიდზე ვიდექი და იმ ადგილს გავყურებდი, საიდანაც სანთლები მდინარეში უნდა ჩაგვეშვა. შიშს დიდი თვალები აქვსო, მართალი უთქვამთ, მით უმეტეს როცა ამდენი ურა-პატრიოტებით და ვაი-ქრისტიანებით სავსე ჰომოფობიურ ქვეყანაში ასეთი შეკრების მოწყობით სხვა ადამიანებზე პასუხისმგებლობას იღებ თავზე. მეშინოდა არ მოვარდნილიყო ვინმე და სიტყვიერი და ფიზიკური შეურაცხყოფის მიყენებით ისევ არ ჩაეკეტა ლგბტ საზოგადოების წევრები თავიანთ ნაჭუჭში, ვნერვიულობდი რომ თავიანთი ვანდალური გამოხტომით ვაი-პატრიოტობის და ვაი-ქრისტიანობის ნიღაბ აფარებულ ქართველებს ისევ არ შეერცხვინათ ჩემი ქვეყანა... მეშინოდა და ვნერვიულობდი...
თუმცა შეგრძნება იმისა, რომ 10-15 ადამიანი (მეტს ნამდვილად არ ველოდი, მიუხედავად იმისა, რომ ივენთზე მოსვლის ღილაკს 50-მდე ადამიანმა დააკლიკა მაუსი) მაინც მოვიდოდა და ჩვენს ბლოგზე დაიდებოდა 3-4 სურათი იმის მამტკიცებელ საბუთად, რომ ივენთი შედგა, რომ ჩვენ ვარსებობთ, რომ არ ველოდებით სხვას, მოვიდეს და გადადგას ჩვენი გადასადგმელი ნაბიჯი- მამხნევებდა.
პირველი სანთლის ანთებისთანავე დაძაბულობა და შიში მომეხსნა, თითქოს ვიგრძენი როგორ ამოისუნთქა თავისუფლად ჩემმა მეგობარმა დ-მ, რომელიც ხუთიოდე წლის წინ მოკლეს (მისმა ოჯახმა დღესაც არ იცის, რომ მხეცური მკვლელობის მიზეზი მისი ორიენტაცია გახდა), როგორ გამიღიმა ჩემთვის უცნობმა 26 წლის თვითმკვლელმა გეიმ და ზურგიდან თითქოს რაღაც ტვირთი მომეხსნა...
და ბოლოს...
უღრმესი მადლობა თანადგომისათვის ყველას, ვინც შემოგვიერთდა აქციაზე! დიდი მადლობა ფონდ "ინკლუზივს", რომლის არსებობის და მუშაობის ლოგიკური შედეგი იყო დღევანდელი დღე! დიდი მადლობა ყველას, ვინც ეს დღეები გვერდით მედგა :) ყველა მიყვარხართ!!!
P.შ. ამ დღეებში ვიგრძენი, რომ უფრო მეტად გავიგე რას გრძნობდა პაკო და უფრო მეტი სიახლოვე ვიგრძენი მასთან და ყველაზე სასიამოვნო დასასრული და ალბათ ყველაზე დიდი შეფასება დღევანდელი დღის, რაც ამ საღამოს მელოდა, იყო მისი სიტყვები:
პაატა საბელაშვილი – მე დღეს ძალიან ამაყი ვარ!
ფოტოები: civil.ge
Подписаться на:
Сообщения (Atom)