ლედი გაგამ რუსეთი ჰომოფობური ქვეყნების შავ სიაში შეიტანა

გასულ შაბათს მომღერალმა ლედი გაგამ განაცხადა, რომ რუსეთი შეაქვს საკუთარ „შავ სიაში“ იმ ქვეყნებისა, სადაც ლგბტ ადამიანები დევნისა და ძალადობის მსხვერპლნი არიან. რუსეთის გარდა ლედი გაგას „შავ სიაში“ შევიდნენ ასევე პოლონეთი, ლიტვა, უნგრეთი და ლიბანი. მომღერალმა ეს ქვეყნები ჩამოთვალა, როცა რომში გამართული ევრო–პრაიდის მონაწილეებს მიმართა. პრაიდი, რომელშიც ლედი გაგა მონაწილეობდა Circo Massimo–ს სტადიონზე გაიმართა და გრანდიოზული ევრო–პრაიდი 2011–ის დასკვნითი ღონისძიება იყო.

სტადიონზე მაყურებელთა აპლოდისმენტების თანხლებით ლედი გაგამ თავისი კომპოზიცია "Born This Way" (ასეთი დავიბადე) შეასრულა. ამ სიმღერის აკრძალვას უკვე რამდენიმე ქვეყანა შეეცადა.

25 წლის ლედი გაგა Grammy–ს 5 პრემიის, VMA–ს 11 პრემიის, EMA–ს 4 პრემიის მფლობელია და თანმიმდევრულად უჭერს მხარს ლგბტ ადამიანების თანასწორი უფლებებისთვის ბრძოლას.